دورئہ بنگلہ دیش کیلیے ویسٹ انڈین ٹیم کا اعلان

ویسٹ انڈیز کرکٹ بورڈ نے بنگلہ دیش کے خلاف دو ٹیسٹ میچوں کی سیریز کے لئے15 رکنی ٹیم کا اعلان کر دیا ہے۔ ویسٹ انڈین ٹیم آئندہ ماہ بنگلہ دیش کے خلاف دو ٹیسٹ میچوں کی سیریز کھیلے گی اعلان کردہ اسکواڈ کے مطابق ڈیرن سیمی ٹیم کی قیادت کریں گے جبکہ دیگر کھلاڑیوں میں رامدین، ٹینو بیسٹ، ڈیرن براوو، چندرپال، نارسنگھ دیونارائن، کرک ایڈورڈز، اسد فدادین، کرس گیل، سنیل نارائن، ویراسیمی پرموئل، کیرن پاؤل، روی رامپال، کیمار روچ اور مارلن سیموئلز شامل ہیں۔